Македонската пејачка Елена Миленковска (25) која неодамна се омажи за својот колега од „Ѕвездите на Гранд“, Александар Маринковиќ Гуте (28) е во блажена состојба и поради тоа реши да се повлече од натпреварувањата.
– Започна првата емисија од вториот круг на „Ѕвездите на Гранд“ и сакам да се изјаснам за моето понатомошно натпреварување. Ми пристигнаа толку многу пораки од вас со прашањето дали ќе продолжам да се натпреварувам. Извинете што не можев на многумината да ви одговорам, едноставно животот ми се промени, со оглед на тоа дека малиот член Маринковиќ ни создава многу обврски – напишала Елена на Инстаграм.
– Оваа година се завршува моето натпреварување. Пред мене се денови кои засекогаш ќе ги паметам и силно верувам дека се е така како што требало да биде. Среќна сум за се што доживувам и едвај чекам да се остварам во улогата на мајка, бидејќи сметам дека тоа е најубавиот дар. Следната година се дружиме повторно во новата сезона со нови сили. Помеѓу тоа, очекувајте многу од мене и мојот господин Гуте. Ви благодарам на поддршката и толкавата количина љубов која константно ми ја праќате. Исто така, многу благодарам на сите мои фанови. Бескрајно благодарна – стои во објавата на Миленковска.
