Луна Ѓогани и Марко Миљковиќ неодамна заминаа со децата на одмор во Турција, но таму, наместо мир, ги дочека непријатна ситуација со комшиите во Белград.
Марко на социјалните мрежи сподели видео од нивните сигурносни камери, на кое јасно се гледа непознат човек како фотографира кон нивната тераса, а потоа застанува и пред нивните влезни врати каде што продолжува да снима.
„Дали и вас вака ве следат изморени соседи додека сте на одмор?“, праша Марко во описот на видеото, а потоа додаде и нова објава: „Да знам барем што фотографираат и дали можеби планираат да провалат?“.
По инцидентот, дел од соседите отворено споделија дека немаат баш најдобро мислење за брачниот пар. Според нив, Луна е пристојна кога ги шета децата и кучето, но Марко е тој кој предизвикува конфликти.
„Знаете како изгледа кога некој ќе добие пари и ќе помисли дека е моќен – ете така. Се поздравуваат во ходникот, но се чувствува една примитивна комуникација. И претходно имавме проблем со него, сакаше да постави клима на фасадата, иако тоа е спротивно на правилата“, изјави еден од станарите.
Друг жител од зградата за Марко рече: „Тоа е човекот кој се однесува како да е сопственик на сите нас. Загорчува живот повеќе од една година, иако е свесен дека постојат прописи“.
Од своја страна, Миљковиќ тврди дека е жртва на вознемирување.
„Овој човек се занимава со мене веќе повеќе од една година. Драги луѓе, можам да ви кажам дека сум успеал во животот ако такви личности, директори на фирми со промет од 15 милијарди, имаат време да пријавуваат реалити личности во полиција и да се судираат со нив во ходник“, изјави инфлуенсерот.
