Манекенката Камолван Чанаго, учесничка на изборот за Мис Гранд Тајланд, се најде во непријатна ситуација на сцената кога во текот на настапот ѝ се одлепија забните навлаки, а видеото од моментот брзо се прошири и привлече големо внимание, пренесува „Сан“.
Таа за миг се сврте настрана за да ги отстрани, а потоа веднаш се врати пред публиката и продолжи со своето движење како ништо да не се случило.
Токму нејзината присебност и самоконтрола предизвикаа бројни пофалби.
„Вака се реагира во вакви ситуации“, „За мене таа веќе е победничка“, „Круната ѝ припаѓа“, се дел од реакциите на социјалните мрежи.
@latinus_us La concursante Kamolwan Chanago, representante de Pathum Thani en Miss Grand Thailand 2026, perdió una pieza de su prótesis dental durante una pasarela transmitida en vivo. La modelo recogió el objeto con discreción y continuó su presentación, mientras el video del incidente se viralizó en redes sociales. #Latinus #InformaciónParaTi ♬ original sound – Latinus
Инцидентот се случил за време на прелиминарната фаза од натпреварот, а финалето е закажано за утре, кога ќе биде избрана победничката која ќе ја претставува Тајланд на светскиот избор Мис Гранд 2026 во Индија.
Круната ќе ѝ ја предаде актуелната носителка на титулата, Ема Тиглао од Филипини, земја која минатата година забележа историски успех со последователни победи, откако Си Џеј Опијаза ја круниса својата наследничка.
