На социјалните мрежи се појави уште едно видео од поранешната хрватска претседателка Колинда Грабар-Китаровиќ како скока во ладното море на Антарктикот. Новото видео го објави инфлуенсерот Кристијан Иличиќ на социјалната мрежа Тикток.
На видеото се гледа како Колинда скока во леденото море, а потоа излегува од него.
„Побаравте видео од излегувањето од леденото море, па еве го, немонтирана снимка од скокот на мојата екипа. Сè уште мислите дека е вештачка интелигенција?“, напишал Кристијан во описот на видеото.
@kristijanilicic Tražili ste snimku izlaska iz ledenog oceana pa evo, needitirana snimka skoka moje ekipe. Da li jos uvijek mislite da je AI? 😆 #polarplunge #antarctica #antarktika #antarktik #nomadiktravel ♬ original sound – Kristijan Ilicic
Да потсетиме, видеото од скокот на Колинда на социјалните мрежи предизвика лавина од коментари. Додека некои ја пофалија за нејзината храброст, имаше и такви кои рекоа дека нема шанси да скокнала затоа што „косата воопшто не ѝ се движела во видеото“.
Потоа, Колинда Грабар-Китаровиќ споделила и фотографија од себе мокра на својата инстаграм-приказна, по излегувањето од морето, за да докаже дека навистина скокнала.
Освен познатиот скок во морето и фотографијата со која се обидува да докаже дека навистина скокнала, Колинда неодамна објави бројни фотографии од другата страна на светот. На нив ужива во импресивните ледени предели, глечери и брегот на Антарктикот, облечена во експедициска опрема, а на некои снимки позира со пингвини.
Како што беше претходно познато, цената на аранжманот во кој таа отиде на Антарктикот е околу 17.000 евра, а сега е објавено и видео кое покажува како изгледаат собите на патниците, вклучувајќи и на Колинда Грабар-Китаровиќ.
