Сања Николиќ секогаш му чува грб на својот сакан сопруг Марко Маринковиќ-Слаткар, а така беше и овојпат, на ново видео кое е објавено на социјалните мрежи.
Слаткаристика се појавил како изненадување на концертот на Калиопи во Филхармонија. Излегувајќи од публиката тој заедно со Калиопи го испеал нивниот нов дует „Води ме“. На видеото кое го објави продукцијата „Прагма“ се гледа и Сања Николиќ.
Таа го снима својот сопруг додека се симнува од горниот дел на салата и доаѓа кон сцената. Сања му е отсекогаш најголемата поддршка на Слаткаристика, а така беше и овојпат. Инаку, ова е четврт концерт на Калиопи, кој таа го распродаде во изминативе недели.
Неодамна, емотивна објава му посвети Сања Николиќ на својот сопруг Слаткаристика на инстаграм. Сања, која поретко е активна на социјалните мрежи, тогаш имаше добар повод.
Таа ја објави новата песна на Слаткар, „Ѓ-ѓа Сара“ која е всушност продолжение на приказната од неговиот стар хит „Сара“, и напиша: „Само он може вака да раскаже. Литературно четиво!“
