Хрватската пејачка Северина настапи во Лашко, Словенија и сподели видео од моментот кога од публиката зема палестинско знаме.
Пејачката настапи пред 15.000 луѓе, а за време на изведбата на песната „Za dobra, stara vremena“, забележа дека едно девојче во првиот ред држи палестинско знаме и му даде знак на обезбедувањето да ѝ го подаде.
Враќајќи се кон микрофонот, таа продолжи да пее и да го рашири знамето.
„Еве уште една гитара, и ете го ова прекрасно знаме – аплауз за него“, рече таа по неколку моменти и го придружи снимката со пораката: „Моето знаме е во секој град каде што некој е среќен за мене“.
Пејачката сподели и фотографии од модното издание од настапот, кое вклучуваше проѕирен топ и здолниште, и додаде: „Синоќа пред концертот во Лашко, пред нова доза љубов и адреналин, пред 15.000 луѓе… Не е толку лошо“.
View this post on Instagram
