Иако ретко открива детали од својот приватен живот, малкумина знаат кој факултет го завршил Вељко Ражнатовиќ.
Синот на Цеца Ражнатовиќ и покојниот Жељко Ражнатовиќ – Аркан, денес живее во Тител со сопругата Богдана и нивните синови, каде се занимава со земјоделие и одгледување свињи, заменувајќи го елитниот дел на Белград за живот во село.
Заедно со својата сестра Анастасија, Вељко посетувал приватно интернационално основно и средно училиште. Подоцна, образованието го продолжил на Кипар, каде семејството Ражнатовиќ поседува луксузна недвижност. Во 2019 година дипломирал во Бања Лука, стекнувајќи се со звање дипломиран економист.
– Сега размислувам само за бокс, таму се гледам во иднина, но никогаш не знаеш каде ќе те однесе патот… Дипломата сигурно не пречи. Планирам да докторирам – но во бокс! Сакам до крајот на оваа или почетокот на следната година да го освојам појасот за европски шампион, а потоа, ако даде Бог – да се борам и за светскиот врв – изјави тогаш Вељко.
