На официјалниот „ЈуТјуб“ канал на Јавниот сервис на нашиот северен сосед, денес беа објавени композиции кои влегуваат во трката за претставување на Србија на овогодинешната Евровизија. На годинешниот фестивал кој го носи името „Песна за Евровизија ’22“, на домашната јавна сцена ќе бидат претставени 36 композиции од познати и помалку познати автори.
Во двете полуфиналиња ќе бидат претставени 18 композиции, а најдобрите девет од секое полуфинале ќе се борат на 5 март во големото финале за победа, а најдобрите според гласовите на публиката и стручното жири во однос 50 проценти спрема 50 проценти ќе ја претставуваат Србија на Евровизија во Торино, Италија.
Натпреварот ќе се одржи од 3 до 5 март.
Меѓу учесниците се Аца Лукас, Наива, Тијана Дапчевиќ, Сара Џо, Бане Лалиќ и МВП, Марија Микиќ, Анџелина, Гоца Тржан, Душан Свилар, Зое Кида, Миа, Зорја Пајиќ, Констракта, Ана Станиќ итн.
Слушнете ги песните и споделете со нас кој е вашиот фаворит…
