Ако сте љубител на работата на Дизни, сигурно покрај неговите цртани и играни филмови, ви се допаѓаат и песните што може да се слушнат во нив.
Песните како „Bare Necessities“ (цртан филм „The Jungle Book“), „Under The Sea“ (цртан филм „The Little Mermaid“), „Someday My Prince Will Come“ (цртан филм „Snow White and the Seven Dwarfs“), „Once Upon a Dream“(цртан филм„Sleeping Beauty“) се само некои од оние што го одбележуваат детството со генерации.
Сепак, на Волт Дизни особено му се допаѓала само една песна. Станува збор за песната „Feed The Birds“ од филмот „Mary Poppins“, изведена од легендарната актерка Џули Ендрус.
Песната е напишана од браќата Шерман, Ричард и Роберт, а станува збор за стар просјак кој седи на скалите на катедралата Свети Павле во Лондон и им продава вреќи на минувачите за да можат тие да ги хранат бројните гулаби околу старицата.
Во едно интервју, Роберт Шерман се присетил на состанокот со Волт Дизни.
- Во петок по работа, Волт Дизни честопати не повикуваше во неговата канцеларија после работа каде ќе разговаравме за работи што се поврзани со студиото (студиото Дизни). По некое време, тој отиде до прозорецот на север, погледна низ него во далечината и само рече: „Свири“. Дик (Ричард Шерман) отиде до пијаното и ја отсвири песната „Feed The Birds“. Кога Дик скоро заврши да свири, го слушнав Волт како рече: „Да. За тоа станува збор”, рекол Роберт Шерман, оставајќи му на Дизни да ја сака песната.
По повод 100-годишнината од раѓањето на Волт Дизни, во 2001 година, во Дизниленд беше подигната статуа на Дизни, а на церемонијата присуствуваше Ричард Шерман, од кого беше замолено да свири неколку песни.
Пред да ја свири последната песна, Ричард рече:
- Сега ќе ја пуштам омилената песна на Волт Дизни … и тоа само за него – рече Шерман и ја отсвири песната „Feed The Birds“.
Се вели дека кога Ричард завршил со свирење на песната, одлетала птица, а Шерман го зел тоа како знак дека Волт го гледа како тој изведува.
