Пејачот Дима Билан, којшто ѝ донесе победа на Русија на Изборот за песна на Евровизија во 2008 година, сними песна со српскиот актер Милош Биковиќ.
Станува збор за нумерата „Добро пожаловать в рай“ на руски јазик, којашто е дел од саундтракот за руската серија „Дајте ми шоу“ („Дайте шоу“), во која глуми и српскиот актер. Да потсетиме, Биковиќ ужива голема слава во Русија, каде важи за еден од најпопуларните актери и е „рамо до рамо“ со тамошните филмски ѕвезди.
Билан објави краток сегмент од видеозаписот, со којшто ја испромовира песната.
„Погледајте го спотот за мојата песната со Милош Биковиќ – „Добро пожаловать в рай“.
Ова е монолог-молитва на маж упатен до жена, во кој љубовта добива фатален облик: невозможно е да бидат заедно, но не можат да бидат и разделени. Концептот на рајот во песната ја претставува идејата за среќна форма на постоење, која е различна за секого. Зборува за тоа како, во потрага по сон и претставата ‘Рај’, човек завршува на сосема погрешно место“, напиша Дима во својата објава на Инстаграм.
View this post on Instagram
Инаку, ликот на Биковиќ во оваа серија е пејач и, за потребите на серијата, актерот сними три песни.
