Филмот „Виртуелна стварност“ од 2001 година ја раскажува приказната за девојчето Сенка, кое се вљубува во дилер и влегува во вртлогот на наркоманијата.
Дилерот го толкува актерот Никола Ѓуричко, додека родителите на ликот што го игра Маја Манџука ги играат Соња Савиќ и Драган Николиќ. Но, интересно е што Маја за потребите на една сцена навистина морала да добие шлаканица од легендарниот Гага.
Гостувајќи во поткастот WTF Radio, Манџука открила дека морало да има вистинска шлаканица за сцената да изгледа уверливо.
„Седевме на маса, снимавме сцена каде што ручаме јас, Соња Савиќ и Драган Николиќ. И јас сега треба да ѝ кажам на Соња, односно на мајка ми во филмот, дека ‘грашокот е ужасен, воопшто не ми се допаѓа’, па ја истурам и ја фрлам чинијата“, раскажала Маја.
„И тука Гага треба да ми удри шлаканица. Во првата сцена само ме допре. И вториот пат исто само ме допре, а јас замавнав со главата, па не изгледаше реално. Се сеќавам дека тогаш директорот на фотографија рече: ‘Ајде Гага, удри ја за да ја снимиме сцената’. А Гага рече: ‘Но, жал ми е, не можам, навистина ми е жал’“, раскажала актерката.
Таа додала дека на крајот самата дала согласност сцената да се сними што е можно пореално и да ја удри малку посилно.
„Излезе одлично, таа сцена веднаш беше прифатена и остана во филмот“, заклучила Маја, присетувајќи се на оваа анегдота од снимањето.
View this post on Instagram
