Пејачката Цеца Ражнатовиќ, покрај недвижностите во Белград и на Кипар, поседува и луксузен стан во Бечиќи, Црна Гора. Се зборува дека семејството таму редовно ги минува летните одмори, но последниве години, велат соседите, ретко ги гледаат.
Еден од соседите за „Курир“ се присетил на времето кога децата на Цеца, Вељко и Анастасија, често престојувале во населбата.
„Мојата тераса гледа директно во нивната. Порано ги гледав често, а во последно време не. Лани видовме паркиран црн џип и претпоставивме дека Цеца е тука. Кога беа помали, често доаѓаа, правеа забави и се слушаше музика, но тоа беше нормално – млади беа. Денес се смирени луѓе со свои семејства“, раскажал соговорникот.
Соседот открил и анегдота од нивното детство: „Еднаш дојде полицијата, а Вељко излезе низ прозорецот и се спушти по олукот за да им побегне. Тој, онака жилав и слаб, лесно се снајде. Гледав од мојата тераса и ми беше смешно“.
По појавата на овие сведоштва во медиумите, Вељко Ражнатовиќ се огласи на својот Инстаграм профил, негирајќи одредени написи и барајќи од јавноста да не верува во шпекулации.
„Луѓе, ве молам да не верувате во глупости. Испаѓам најголем будала кој дава изјави за сè. Прво велите дека се разведувам, па дека ме тепал некој… Боже ме сочувај. Не памтам кога сум бил во Цирих. Тоа се лаги и будалаштини. Ве молам, не верувајте во такви работи“, порача Вељко.
