Пејачот Маринко Роквиќ почина денеска во Белград на 68-годишна возраст.
Неодамна во јавноста се појавија информации дека Маринко е хоспитализиран и дека неговата здравствена состојба е критична.
Роден е на 27 јануари 1954 година и уште од деца, Маринко и неговиот брат покажале интерес за музика и свиреле на хармоника.
Покрај музиката, Маринко сакал да тренира и фудбал. По завршувањето на основното училиште дошол во Белград, сакајќи да се запише во музичко училиште. Но, сите места биле пополнети, освен во одделот за кларинет, но Маринко сепак се одлучил за електротехничко училиште и се приклучил на културно-уметничкото друштво „Никола Тесла“ во кое пееше.
Ќе остане запаметен по хитовите „Skitnica“, „Svađalice moja mala“, „Zanela me svetla velikog grada“,„Jedina moja“, „Ti za ljubav nisi rođena“… и многу други.
