Пејачката Нина Бадриќ пред 11 години го загуби својот татко со кој беше многу блиска.
Таа сега на Инстаграм објави негова фотографија со емотивен опис. Како што истакна, не поминува ден, а да не се сети на него – и тоа веќе цели 11 години.
„Поминаа скоро 11 години откако не си со мене. А гледаш… секој ден те паметам… Некој ќе каже некоја реченица, а јас ќе помислам: ‘Ех, тоа истото ќе го кажеше и мојот татко.’ И во сè твое себе се препознавам… Не стигнав да ти кажам дека за сè беше во право, тато. Само тогаш не разбирав. Беше мојата чест, благост, нежност, скромност и потпора. Чувајте ги вашите родители додека сè уште се покрај вас, затоа што кога ќе заминат, овој свет добива сосема друга боја. Среќен Ден на татковците“ – напиша Нина.
View this post on Instagram
Пејачката своевремено изјави дека не се занимава со минатото, туку гледа само напред.
„Поминаа и тие времиња кога се занимавав со минатото и погрешните одлуки. Сега гледам само кон иднината и се фокусирам на она што го живеам. Секако дека направив грешки кои ме чинеа многу, но жалењето за нив е изгубено време. Нареден пат ќе бидам помудра!“, рече еднаш Нина.
„Немам стравови. Од ништо и никого. Многу работам на себе и сфатив дека нашите стравови се имагинарни. Што треба да се случи, ќе се случи. Човек не треба премногу да си ја оптоварува главата со нешто што сè уште не се случило. Всушност, лажам… Се плашам од змии и не сакам да ги сретнам – ни на две нозе, а ни оние што лазат“,додаде таа тогаш за „Блиц“.
