Да, вистина е дека се разделуваме со Мачка, но ние и понатаму ќе продолжиме да контактираме редовно. Ние имаме две деца и секако дека тие ќе можат да растат и да го поминуваат времето со својот татко, изјави пејачката Тамара Тодевска за порталот Репортер.
Пејачката беше во брак седум години со Александар.
– За мене најважни се децата и моја желба е тие да останат заштитени. Ги разбирам медиумите дека сакаат да ја објават веста, но сега ми се најважни децата кои треба да останат настрана од оваа приказна. И Хана и Дарен одат на училиште, веќе не се мали, па затоа со Мачка имаме одговорност да ги заштитиме – рече Тамара за Репортер.
Последната споделена фотографија од популарната двојка беше од нивната годишнина од брак.
