Популарната пејачка Сенидa Хајдарпашиќ, позната како Сенидa, е едно од најголемите музички имиња од Словенија. Екипата на „Курир“ ја посети Љубљана и маалото Баварски двор, каде што е родена и каде живее.
Жителите од соседството имаат само пофални зборови за својата позната сограѓанка. Велат дека е приземјена, љубезна и секогаш расположена за разговор и фотографија со фановите. Често може да се види во прошетка со своето момче или сестра ѝ, со која, според соседите, се нераздвојни.
Но, зад нејзината слава се крие тажна животна приказна. Како дете, Сенидa го загубила татко ѝ во сообраќајна несреќа. Мајка ѝ била тешко повредена, а сестра ѝ останала во кома. Иако таа физички поминала без повреди, психичките последици ја следеле низ животот. Пред десетина години ја загубила и мајка ѝ – личноста што ѝ била најголема поддршка. По тој удар, месеци не излегувала од дома.
Во емисијата „Поп ток“, Сенидa искрено зборуваше за болката што ја носи: „Од нејзината смрт минаа десет години. Ни денес не е лесно. Се прашувам: ‘Каде е таа личност? Зошто ја нема?’ Мајка ми ми велеше дека сум посебна. Јас бев нејзина гордост, но и некој што го држеше во ред само со еден поглед“.
