Британската глумица Софи Тарнер (24) се прослави со улогата на Санса Старк во најпопуларната серија на сите времиња, „Игра на троновите“, а минатата година се венчаше со пејачот Џое Џонас (30), со кого дочека принова.
Софи и Џое според странските медиуми станале родители уште минатата недела, а породувањето поминало во најстрога тајност, исто како што беше случај и со нивната венчавка.
Сепак, американските медиуми дознале дека ќеркичката ја нарекле Вила.
Јавноста дозна дека Софи е бремена во февруари.
„Софи многу внимателно бира што ќе носи во јавност за да го скрие трудничкото стомаче“, рече тогаш извор близок на парот, а после тоа Софи и Џое ретко се појавуваа во јавност.
