Американската пејачка Мелиса Вивијан Џеферсон (32) во јавноста позната под уметничкото име Лизо, на својот Инстаграм профил сподели фотографија на која позира целосно гола со американското знаме.
Во описот на фотографијата Лизо се осврна на минатото на Америка, но и на нејзината потенцијална иднина.
„Кога ќе помислам на оваа земја, не мислам на нејзините закони, мислам на нејзините луѓе. Размислувам за тоа како сме воспитувани да сме патриоти за насилство, пропаганда и војна. Размислувам за тоа како оваа земја е во сопственост на угнетувачот и како угнетените се заклучени во долината на капитализмот. Но, мислам и на младите луѓе кои одбиваат да бидат хранети со невистини. Мислам на постарите кои гордо застанаа против предрасудите дури и кога тоа беше навидум невозможно. Заради вас, јас уште имам надеж“, напиша таа.
„Верувам во земја што ќе учи вистинска историја за да можеме подобро да разбереме каде живееме и дека можеме подобро. Верувам во земја што ги слуша извиците на демонстрантите и не ја политизира смртта. Верувам во обнова на оваа прекрасна земја и почитување на заедниците кои ја поседуваа Америка пред колонизаторите да ја преименуваат. Верувам во правичност, еднаквост, целосно отстранување на религијата на места каде што не припаѓа. Нека религијата живее во црквите и местата за богослужба… тивките простории за молитви, радосните собири… и надвор од Конгресот“, додаде Лизо.
„Верувам во толку многу, и ако верувам во тоа еден ден ќе го видам. Можеби нема да биде утре, можеби нема да биде и денес, но ќе се случи еден ден ако останеме ажурни. Ние луѓето, СИТЕ луѓе, го заслужуваме ова“, заблагодарувајќи им се на своите следбеници што гласале за избор на нов претседател.
Нејзината фотографија и обраќање предизвика лавина реакции, некои од нејзините следбеници ја поддржаа во целост, а други пак, го тврдеа спротивното. Ако идејата на пејачката била да предизвика рекација која ќе ја „раздрма“ апатичноста на народот, несомено успеа во тоа!
