Синот на познатата текстописка и жената која ги има напишано едни од најголемите хитови последниве 30 години, Марина Туцаковиќ и Фута Радуловиќ, Милан – Лача остро ја нападнал фолк-дивата Светлана Цеца Ражнатовиќ, индиректно нарекувајќи ја воен профитер.
Радуловиќ на Твитер напишал дека местото на Цеца ѝ е во Хаг, што предизвикало бурни реакции на социјалните мрежи. Запрашан за мислење на новата песна “Ми“, која неодамна ја исфрлил Дино Мерлин, Лача одговорил:
– Јас сум повеќе, како што гледам, на сите тие воени хушкачи, кои сега без помош сакаат да се лустрираат, местото им е во Холандија во градот за искупување. Мерлин, Цеца и други – напишал на социјалните мрежи.
Упатените на релација Ражнатовиќ-Туцаковиќ тврдат дека Цеца била стаписана од испадот на синот на Марина со обзир на тоа дека сeмејството со години соработува и дека Лача го третирала како да ѝ е син.
– Овој потег не ги изненадува неговите пријатели кои тврдат дека во моменти кога е под дејство на опијати знае се’ и сешто да напише, за кое подоцна се кае… Единствено не им е јасно како во потсветста го нема фактот дека Цеца прва ѝ се најде на неговата мајка за помош кога ја водеше борба со тешка болест…
Во обид да се добие коментар на испадот на Радуловиќ, побарана е Цеца за изјава, но таа не сакала ништо да коментира.
