Сања Маринковиќ, позната телевизиска водителка, и порано била во фокусот на јавноста поради конфликти со гости во нејзината емисија „Магазин ин“.
Имено, за време на една емисија во која гостуваше пејачката Маја Николиќ, дојде до жесток судир кога Маја ја спомена старлетата Станија Добројевиќ, по што Сања ѝ забележа дека не треба да ги споменува оние што не се присутни во студиото.
Кратко потоа, самата Сања ја спомена Дарa Бубамара и нејзините провокативни фотографии, на што Маја ѝ возврати дека сега таа го прави токму тоа за што претходно ја укори.
– Сања, штом така ми се обраќаш, немој веќе да ме повикуваш во ниту една твоја емисија – ѝ рече Маја по кратката расправија.
– Ако сакаш да ја почитуваш емисијата и да бидеш гостин, биди. Ако не сакаш – не мораш – ѝ одговори Сања.
Маја ја напушти емисијата и излезе од студиото, а подоцна истакна дека повеќе никогаш нема да се појави кај Сања Маринковиќ.
– Сања ме навреди кога гостував кај неа во 2015 година. Веднаш по емисијата кажав сè што имав да кажам. Таа ги навредува сите гости, особено жените. Нејзината изјава дека им се заблагодарува на жените што „се прават помалку глупи отколку што се“ е срамна. Јас тогаш изјавив, а стојам и денеска зад тоа, дека таа е ретко глупа и безобразна водителка, покрај тоа е и олош и комплексирана личност. Таа ги сече деловите од емисијата така што изгледа како јас да сум кажала нешто што не сум – рече Маја неодамна.
