Веста за смртта на пејачот Аки Рахимовски беше потврдена на официјалната Фејсбук страница на групата Парни ваљак.
„За малку нежност ќе се согласам на се, за малку нежност за да заспијам. Драги пријатели, со неопислива тага во нашите срца, ве известуваме дека денес, 22.01.2022 год. Аки Рахимовски засекогаш заспа“, се вели во соопштението.
Пејачот Аки Рахимовски создаде многу хитови во својата кариера, а неговата музика беше голем дел од нашите животи. Почна да пее во Парни Ваљак во 1975 година, а по подолга пауза групата се врати на сцената во 2005 година на 30-годишнината од основањето на бендот.
Неговите песни се слушаат и денес, а неговиот глас и музика никогаш нема да изгубат од вредност. Од забавни до љубовни песни, сите тие се хитови со кои се создадени многу љубовни приказни, а неговата музика ја слушаат и помладите генерации.
Ако до сега не сте ги преслушале барем стотина пати, да ве потсетиме на неговите хитови.
