Продуцентот и сценарист на франшизата за „Џејмс Бонд“, Мајкл Г. Вилсон(80) открива дека следниот таен агент најверојатно ќе биде актер во триесеттите години бидејќи актерите од помладите генерации немаат искуство за таква улога.
Мајкл, кој ја продуцира франшизата со својата полусестра Барбара Броколи, открива што бараат во следниот „Бонд“ по заминувањето на Даниел Крег. Говорејќи на настанот за Бонд во Британскиот филмски институт во петокот, тој признал дека во минатото барале помлади актери, но инсистирал дека тоа „не функционира“.
– Запомнете, Бонд е веќе ветеран, има одредено искуство. Тој е личност која, така да кажам, поминала низ војни. Веројатно бил во САС или нешто слично, тој не е дете од средно училиште што можете да го најдете и само да почне“, рече Мајкл, пренесе Deadline.
Тој додаде дека сe уште не почнал да ја бара замената за Даниел откако популарниот актер ја завршил последната Бонд улога во „No Time To Die“. Според она што го зборувал, се чини дека следните агенти на 007 нема да бидат Идрис Елба (50) ни Том Харди (45).
Други актери кои беа најавени за улогата се Џек О’Конел (32), Ричард Маден (36), Реџе Жан-Пејџ (34) и Хенри Кавил (39).
