Папарацо фотографот на „Курир“ ја забележа Лидија Оцоколиќ, сестрата на Светлана Цеца Ражнатовиќ, додека влегуваше во семејната вила на Дедиње.
Цеца многупати јавно истакнувала колку ѝ значи Лидија и колку ѝ била поддршка во најтешките моменти. Кога пејачката во 2000 година остана вдовица со две деца, Лидија и нејзиниот сопруг Предраг без двоумење ѝ станаа ослонец, живеејќи заедно со неа во вилата. Иако пред неколку години се шпекулираше дека Лидија се отселила, тоа се покажа како неточно.
Пред неколку дена, Лидија беше фотографирана додека влегуваше во вилата. Возачот ја донесе до самиот влез, а еден од телохранителите ѝ ги отвори вратите, како на вистинска директорка. Брзо излезе од џипот и се упати кон домот каде што ја чекаа најблиските. Беше облечена во лежерна комбинација – фармерки и зелена јакна, а оддалеку толку многу наликуваше на Цеца што единствената разлика беше бојата на косата.
Фотографиите можат да ги видите тука.
Лидија веќе долги години има висока функција во музичката продукција „Цеца мјузик“, каде што работи како директорка.
Цеца во неколку наврати зборувала за нивната блискост: „Отсекогаш сме биле тандем. Моите деца немаа татко, но имаа две мајки. Кога се омажив за Жељко, тој веднаш сфати колку голема е нашата сестринска љубов. Ја обожаваше Лидија и ние навистина бевме како три мускетари“.
