Радиша Трајковиќ Ѓани утре оди во Словенија на операција на раката, дознава српски „Курир“.
Популарниот пејач ќе биде хоспитализиран на клиника во Љубљана каде интервенцијата ќе ја направат најдобрите стручњаци. Музичарот синоќа бил пренесен од Италија во Белград, а во главниот град пристигнал во попладневните часови.
– Како сте, фамилијо? Имам големи болки. Што да ви кажам, се разнесов. Раката ми е скршена на пет места, така ми рекоа. „Ќе одам на операција“, кратко изјавил Ѓани.
Несреќата се случила во понеделникот на скијачка патека во Италија, на која веднаш на лице место му била укажана прва помош. Тој бил на мини одмор со синот и колегата Ацо Пејовиќ, и за жал морале да го прекинат поради несреќен пад. Скиите му се лизнале и тој паднал директно на левата рака. Лекарската помош пристигнала на лице место во рекордно време и му укажале помош на пејачот.
