Актерот Алек Болдвин минатата година во октомври ненамерно ја застрела директорката на фотографија Халина Хачинс и го рани режисерот Џоел Соуза со куршум од пиштол-реквизит на снимање на филмот „Рѓа“ (Rust).
View this post on Instagram
Сопругот на Халина која беше убиена за време на снимањето на вестерн-филмот поднел тужба за убиство од небрежност против актерот Алек Болдвин „и другите одговорни за безбедноста на снимањето“, соопшти адвокатот на семејството Хачинс.
Тужбата е поднесена во округот Санта Фе, Ново Мексико, во име на Метју Хачинс и неговиот деветгодишен син, изјавил адвокатот Брајан Паниш на прес-конференција во Лос Анџелес.
Инцидентот е сѐ уште под истрага на локалните власти.
View this post on Instagram
Актерот Алек Болдвин тврдеше дека му кажале дека пиштолот е „ладен“, што при снимањето е израз што значи дека е безбеден за употреба, но и дека не го повлекол чкрапалото. Алек Болдвин е копродуцент и главен актер во филмот.
