Американската музичка ѕвезда Ријана откри дека го очекува своето трето дете со својот партнер, раперот Ејсап Роки. Таа го покажа своето трудничко стомаче на Мет Гала во Њујорк.
Обожавателите на Ријана веќе неколку месеци шпекулираа дека е бремена, со оглед на тоа што се појавуваше во јавноста во широка облека, а сега ја потврди среќната вест дека ново бебе е на пат.
Таа долго време е посветена на своето семејство и на своите модни и козметички брендови. Иако најави дека конечно наскоро ќе издаде албум, се чини дека фановите сепак ќе мора да почекаат.
rihanna at the met gala pic.twitter.com/EzA4V42vwQ
— 2000s (@PopCulture2000s) May 6, 2025
Таа и Роки го добија својот прв син РЗА Ателстон Маерс (RZA Athelston Mayers), во 2022 година, а во 2024 година го роди Рајот Роуз.
Раперот беше еден од водителите на Мет Гала оваа година, заедно со Ана Винтур, Луис Хамилтон, Колман Доминго, Фарел Вилијамс и Леброн Џејмс како почесен член.
Овој престижен моден настан се одржа во Метрополитен музејот на уметност и ги собра најпознатите имиња на денешницата, меѓу кои Дуа Липа, Сидни Свини, Памела Андерсон, Сабрина Карпентер и други.
