Принцот Хари по првото запознавање со Меган бил маѓепсан од неа.
Откако се запознале, Хари направил лажен инстаграм-профил за да може да ја следи Меган, пишува Мирор.
Пред да се омажи за принцот Меган била активна на социјалните мрежи и имала сопствен блог – The Tig. Ја заследил корисник под име ‘@SpikeyMau5’, а подоцна се испоставило дека тој профил му припаѓал на принцот Хари. Во името што го смислил за Инстаграм, Хари ги искомбинирал имињата на неговите омилени диџеи.
Имаше различни претпоставки за тоа кој ги запознал. На крај им „средиле“ состанок „на слепо“.
Порталот E!News пишува дека Хари и Меган ги запознала Вајолет вон Вестенхолц, пријателка од детството на Хари. Нејзиниот татко, кој е барон, бил близок пријател со принцот Чарлс.
„Хари долго време ја бараше вистинската личност, но никако не можеше да ја најде. Тоа му беше уште потешко поради титулата што ја имаше, па не можеше да се регистрира на Тиндер или на некоја друга апликација за пронаоѓање партнери, а да ја најде по „нормален“ пат беше уште потешко. Скоро невозможно. Затоа им се довери на најблиските пријатели“, открил изворот.
Кога Хари и кажал дека сака да ја пронајде жената на својот живот, Вајолет му рекла дека има „совршена девојка за него“. Потоа им организирале „состанок на слепо“.
Нивниот заеднички пријател Маркус Андерсон, тоа лето бил во Лондон со Меган на тенискиот турнир Вимблдон, каде што ја бодреле Серена Вилијамс. После тоа било организирано дружење во „Сохо хаус“ за десеттина луѓе. Тогаш Хари добил можност да се запознае со Меган.
