Анџелина Џоли на премиерата на својот најнов филм „Maleficent: Mistress of Evil“, се појави во драматичен црн фустан на едно рамо, кого го красеше голем блескав брош – шкорпија.
Фустанот го открива голиот грб на Анџелина полн со тетоважи, а целокупниот впечаток никого не остави рамнодушен.
Џоли во мрачната фантазија на Дизни ја глуми злобната вила Малефициент, па затоа и на премиерата се појави во „мрачно“ и „опасно“ издание.
Уште подобар моден додаток беа нејзините пет деца, со исклучок на Мадокс, кој е на колеџ во Сингапур.
Неодамна Анџелина изјави дека повторно се открива како мајка сега кога децата ѝ се тинејџери. Неодамна изби и скандал околу опкружувањето на нејзините деца кога се со поранешниот сопруг на Џоли, добропознатиот Бред Пит.
„Како што растат гледам дека се со силен карактер, но и со отворен ум. Се обидувам да им бидам пример. Сакам да бидат добри и великодушни каква што беше и мојата мајка, полни со љубов и толерантни“, изјавила глумицата.
