На 31 октомври на Бахамите, почина легендарниот Џејмс Бонд – Шон Конери, а сега конечно се откри причината за смртта.
Според првичните информации беше соопштено дека актерот починал во сон, а сега се дознава дека причината за смртта биле пневмонија, респираторна слабост, старост и атријална фибрилација – неправилно чукање на срцето.
- Таков живот не беше за него. Тој не беше во можност да се изрази во последно време. Барем почина во сон, беше многу мирно. Цело време бев со него и тој само заспа. Така сакаше и да биде – изјави сопругата на Шон, Мишелин, за Дејли меил.
Неговата сопруга изјави дека покрај Шон имала прекрасен живот и дека е среќна што заедно остареле, но и дека тој е човек на кој многумина треба да се угледуваат.
- Тој беше прекрасен човек и имавме одличен живот заедно. Тој беше човек на кој другите му се восхитуваа. Ќе ми биде тешко без него, го знам тоа. Но, свесна сум дека не може да траеме вечно – додала таа.
Покрај фановите со славниот Бонд се простија и бројни актери, политичари и познати личности. Скоро сите се согласуваат дека тој беше еден од најлегендарните актери, а почит му оддаде и сегашниот Џејмс Бонд – Даниел Крег.
