Мајa Огњеновиќ и Данило Икодиновиќ официјално се разведоа, а според пишувањата, причината не е далечината меѓу нив, туку трета личност. Наводно, поранешниот ватерполист уште пред крајот на бракот со спортистката имал нова љубов – атрактивна водителка од национална телевизија.
Икодиновиќ, кој претходно беше во брак со пејачката Наташа Беквалац, а пред тоа и со мистериозната Ања со која ја има ќерката Андреа, по романса со одбојкарката Маја Огњеновиќ, повторно најде љубов. Станува збор за водителка која одамна му е позната.
Според извор на српски „Курир“, нивното познанство трае околу 15 години, а уште тогаш биле во врска. Се запознале на едно снимање, а иако сè било тајно, јавноста често можела да ги види заедно, особено во Нови Сад.
– Ми се чини дека Дача и девојката со која е сега имаат нераскинлива врска. Тие беа заедно и пред многу години, и повторно се пронашле. Врската почнала уште пред да се разведе од Маја, што е и главната причина за нивниот развод – вели изворот.
Огњеновиќ набрзо дознала за аферата, по што следел неминовен крај на бракот.
– Некои љубови никогаш не поминуваат. Страста меѓу Дача и водителката повторно се разгоре, а сега кога се и двајцата слободни, можат да бидат заедно. Сепак, за да избегнат внимание и скандали, решија љубовта да ја чуваат во тајност – додава соговорникот, уверувајќи дека наскоро за нивната врска „ќе зборува целиот град“.
