Сопругата на Апостол Поце Икономов, Вики Икономова, почина вчера на 56-годишна возраст, по долго и тешко боледување.
Тажната вест ја објави Петар Георгиевски – Камиказа, долгогодишен соработник на Икономов и колега од групата „Меморија“.
„Вечнаја памjат, мир и спокој да најдеш, горе меѓу ѕвездите, Вики Икономова.
Поце те сакаше повеќе од сè, дури и од самиот себе. Во десетгодишната здравствена голгота, ниту еднаш не покажа слабост во траорната битка барајќи ‘иљач’ за твојата болест. Ја носеше подеднакво храбро и доблесно, како човек кој искрено љуби и се бореше до твојот последен здив.
Друже Поце, искрено сочуство. Секоја песна и тон со твојот ангелски глас, испеани на нашите концерти, на неа ѝ ги беше посветил. Затоа концертите беа посебни.
Вики почина по долго и тешко боледување во својата 56. година. Уште еднаш, светол да ти е патот до вечноста“, напиша Петар Георгиевски – Камиказа на својот фесјбук-профил.
