Црногорскиот пејач Бобан Рајовиќ објави дека неговата мајка Анѓелија починала.
Тој ја сподели тажната вест на социјалните медиуми, каде напиша емотивна порака за мајка си.
„Си замина мојата најдобра. Мајко, те сакам. Не знаев дека олку може да боли“, напиша Рајовиќ на својот инстаграм-профил.
Да потсетиме, Бобан Рајовиќ е популарен црногорски пејач на турбофолк музика. Тој е роден во 1971 година, во Копенхаген, Данска, каде што неговите родители мигрирале од црногрскиот град Беране.
Рајовиќ почнал да пее на 19-годишна возраст, во југословенски кафулиња ширум Данска. Но, во 2000 година се преселил во Белград, каде што го снимил првиот студиски албум – „Бобан“. Оттогаш, тој изгради голема музичка кариера во регионот, а едни од најголемите хитови му се песните „Усне боје вина“ и „Провокација“.
Во повеќе наврати, Рајовиќ потенцираше дека е многу близок со членовите на неговото семејство, особено со неговата мајка Анѓелија.
