Грција денеска е завиткана во црно. Светот остана без човек кој ги создаде најважните моменти од модерната историја на Грција, исклучителен композитор и нескротлив борец. Микис Теодоракис почина на 96-годишна возраст.
Микис Теодоракис ги компонираше сите жанрови на музика, од опера, симфониска музика, салонска музика, балет, црковен хор, до древна грчка драма, театарска, филмска, народна музика.
Роден е на островот Иос, на 29 јули 1925 година. Неговиот татко бил висок службеник и поради честите промени на живеалиштето на неговиот татко, поминал добар дел од својот живот со него, посетувајќи различни места во Грција, од Митилена, Сирос, Атина, Пиргос до Триполи. Неговата прва средба со музиката била псалм на Православната црква, во која тој самиот учествувал како пејач.
Студирал музика во Атина, под влијание на византиската креативност, по што создал дела главно наменети за пијано и виолина.
Покрај композициската кариера, каде што доминантна е неговата композиција „Гркот Зорбас”, тој напиша и одредени дела, од кои најпознати се: „Музика за масите“, „Долг“ (два тома), „Анатомија на современата музика“ и многу други дела.
Наградите за неговото животно дело се многубројни. Неговиот придонес за Грција е огромен, а трагата што ја остави во модерната историја на својот народ е неизбришлива.
