Шпанската актерка Пенелопе Круз ја доби Националната филмска награда на Шпанија за 2022 година, соопшти тамошното Министерство за култура и спорт.
View this post on Instagram
Како што е наведено на официјалната интернет-страница, „жирито едногласно ја наградило глумицата за достигнувањата во 2021 година, кои се додадени на сѐ она што го постигнала во нејзината кариера“. Покрај тоа, Пенелопе Круз е првата Шпанка која ја добила наградата за најдобра женска улога на Филмскиот фестивал во Венеција за нејзината улога во филмот „Madres Paralelas“ на Педро Алмодовар. Номинирана е и за четири „Оскари“ низ годините досега.
View this post on Instagram
„Со нејзиниот огромен талент и сестрана личност, таа соработува и има блиски врски со филмски работници од целиот свет, а тоа отвори нови врати и за шпанската кинематографија“, се вели во соопштението.
View this post on Instagram
Националната филмска награда на Шпанија се доделува секоја година за севкупен придонес во шпанската филмска индустрија. Покрај Националната награда за кинематографија, Круз доби и парична награда од 30.000 евра.
Во својата мошне богата кариера глумела во 65 филмови, освоила Оскар во категоријата најдобра женска улога за улогата во филмот на Вуди Ален „Vicky Cristina Barcelona“ во 2008 година, а освоила и награди на фестивалите во Кан, Франција и „Goya“ во Шпанија.
View this post on Instagram
Пред да и се посвети на глумата Пенелопе била девет години балерина:
„Сите ножни прсти ми се свиткани. Стапалата ми крвареа од премногу танцување, а ноктите ми отпаѓаа и ми стануваа црни. Кога сега си ги гледам нозете, тие имаат големо значење за мене“, раскажаЛА актерката на почетокот на својата кариера
