Пејачот на „Парни Ваљко“, Игор Дрвенкар, ја објави среќната вест на социјалните мрежи – ќе стане татко!
„Отсега па натаму, сите песни ќе имаат ново значење“, напиша тој во описот на црно-белите фотографии на кои тој и неговата партнерка позираат прегрнати со мали детски патики во рацете, а на друга фотографија нивното слатко куче ги гледа со интерес.
За потсетување, Дрвенкар е во среќна врска со својата партнерка Нора, а имаат и куче, Мелоди, кое исто така со нетрпение го очекува новодојдениот член на семејството.
„Таа ме освои пред сè со својата личност, страст, карактер и сè друго. Тој клик е важен, ние кликнавме како луѓе и се чувствувам добро со таа личност, а тоа е најважното нешто“, рече тој претходно за својата партнерка.
