Познатиот српски водител Огњен Амиџиќ моментално ужива во брак со колешката Мина Наумовиќ, а познато е дека зад себе има два брака и син со манекенката Данијела Димитровска.
Големо внимание во јавноста предизвика неговата изјава дека извршил прељуба во една од своите врски, иако не откри кога точно се случило тоа.
Малкумина се сеќаваат дека пред Данијела, Амиџиќ веќе бил во брак со уште една колешка – Милица Марковиќ.
„Да, ми се случи да ја изневерам партнерката. Но, никогаш не сум водел паралелна врска. Се случи прељуба, но краткотрајно. Ако имаш паралелна врска, тоа значи дека првата е веќе завршена. Каков живот треба да водиш за да можеш да жонглираш со две врски? Треба да имаш два мозга, двојно да размислуваш, да помниш што си ѝ рекол на секоја“, изјави водителот низ смеа, што веднаш покрена прашања дали тоа се случило додека бил во брак со Данијела.
Која е Данијела Димитровска?
Манекенката и водителка Данијела Димитровска важи за една од најубавите жени на јавната сцена во регионот. По разводот од Огњен, таа започна врска со фудбалерот Јеврем Косниќ.
Данијела е многу активна на социјалните мрежи, каде често зборува за здрав животен стил, фитнес и работни навики.
Глобалната популарност ја стекна преку успешната манекенска кариера, соработувајќи со бројни светски брендови. Сепак, на крајот се насели во Белград, каде што гради телевизиска кариера.
Данијела за разводот од Огњен
По разделбата со водителот, Димитровска призна дека ѝ било тешко да ја донесе одлуката за развод.
„Тоа е тежок момент – сфаќате дека се разделувате од еден дел од својот живот. Секој што доаѓа во вашиот живот е дел од вас. Во тој миг сфатив дека се разделувам од некоја верзија на себе што сум ја надраснала. Но, кога ќе разберете дека тој дел е минато, тогаш можете да се радувате на она што доаѓа“, изјави Данијела.
