Нетфликс во април објави дека изгубил претплатници за прв пат по повеќе од една деценија. Тоа испрати шокантни бранови низ Вол Стрит, што ги наведе инвеститорите да избришат милијарди долари од пазарната капа на Нетфликс. Акциите на компанијата паднаа за околу 70 отсто оваа година, по што стриминг платформата е приморана да остави без работа 300 работници среде тешка година.
View this post on Instagram
„Додека продолжуваме значително да инвестираме во бизнисот, ги направивме овие прилагодувања така што нашите трошоци растат во согласност со нашиот побавен раст на приходите. Ние сме многу благодарни за се што направија за Нетфликс и работиме напорно за да ги поддржиме низ оваа тешка транзиција“ – изјави портпаролот на компанијата за Си-Ен-Ен.
Отпуштањата влијаат на околу 3 отсто од работната сила на Нетфликс, која вклучува 11.000 вработени со полно работно време. Отпуштањата најмногу се случуваат во САД.
Како што пишува Си-Ен-Ен, минатиот месец Нетфликс отпушти 150 работници, посочувајќи дека главна причина за отпуштањата е забавувањето на растот на приходите.
View this post on Instagram
Портпаролот на компанијата Netflix (NFLX) посочува оти се смислуваат начини како да ја свртат негативната плима и да ја вратат на вистинскиот пат платформата, која има 221,6 милиони претплатници.
Идеите вклучуваат воведување на ново ниво на реклами со пониска цена и ограничување на споделувањето лозинки меѓу претплатниците.
