Fast and Loose и други проекти на актерот Вил Смит се откажуваат по скандалот на Оскарите.
Fast and Loose, кој требаше да биде еден од следните водечки наслови за Нетфликс, секако не е роден под среќна ѕвезда и продукцијата продолжува да има проблеми. Името на Вил Смит беше поврзано со проектот уште од самиот почеток, а актерот беше ангажиран да глуми криминален шеф во возбудлив акционен трилер.
Како што известуваат и Variety и The Hollywood Reporter, една недела пред доделувањето на наградите Оскар и шамарот на Крис Рок, назначениот режисер на филмот Дејвид Лајч го напуштил проектот. Тој се повлекол за да работи за Universal со Рајан Гослинг на Fall Guy, чија продукциска работа се очекува да започне следниот август. Среќен тајминг, но дефинитивно несреќен во центарот на новите случувања. Всушност, сега Нетфликс крева цврста кочница на Fast and Loose.
По веста за повлекувањето на Дејвид Лајч, Нетфликс започна потрага по нов режисер за Fast and Loose. Но, по нападот на Вил Смит врз Крис Рок за време на церемонијата на доделување на Оскарите, стриминг гигантот се врати чекор наназад, со што практично ја запре продукциската работа, која заврши на дното на приоритетната листа. Variety објави дека иднината на филмот останува неизвесна и се уште не е познато дали Нетфликс ќе тргне во потрага по нов глумецкој ќе го замени Смит. Нетфликс пак, сè уште нема коментари за ова.
Но, Fast and Loose не е единствениот проект што би можел да настрада од вревата што се крена по гестот на Вил Смит. „Emancipation“, од Антоан Фуква за Apple TV +, со оскаровецот на Крал Ричард, во моментов е во постпродукција. Се очекува да излезе во текот на 2022 година, но сè уште не се знае дали ќе има промени и дали проектот сепак ќе се стопира. Холивуд репортер исто така известува дека и Bad Boys 4 е проект во мирување.
Во меѓувреме, Смит поднесе оставка од Академијата, со белешка во која прецизираше дека е подготвен да прифати какви било последици од неговиот гест. Ќе видиме дали ќе пристигнат официјални коментари или нови случувања во наредните денови, а Академијата ќе одлучува за одземање или не на неговиот Оскар на 18.април.
