Холивудскиот актер зборуваше за бракот со Џејда Пинкет Смит и откри дека во еден момент донеле заедничка одлука да не практикуваат моногамија.
„Џејда никогаш не веруваше во конвенционален брак… Некои членови на нејзиното семејство беа во неконвенционални врски“, откри Вил Смит во неговото последно интервју за списанието „GQ“ кој е во брак со неговата сопруга Џејда Пинкет Смит од 1997 година.
„Таа пораснала во сосема поинаква средина од мене. Често разговаравме, барајќи ја вистинската формула за совршена врска. Поголемиот дел од нашата врска ја поминавме моногамно, но исто така не мислевме дека таа одлука е идеална“, рече Смит, додавајќи дека нивното размислување не е нешто што ќе им се допадне на сите.
„Си дадовме доверба и слобода, свесни дека секој мора да го најде својот пат, а бракот за нас не смее да биде затвор. На никој не го предлагам нашиот пат, но искуството кое ослободува го добивме откако си дадовме безусловна поддршка еден на друг, и за мене тоа е најдобрата дефиниција за љубовта“, раскажа Вил.
Минатата година, неговата сопруга се најде во скандал поради вонбрачната врска со тогаш 27-годишниот пејач Аугуст Алсин, а сега Вил Смит откри дека не е единствената што имала афера, но тој не влегуваше во детали. Актерот откри и дека долго сонувал да има харем во кој ќе има познати девојки, а во кој, меѓу другите, ќе биде Хали Бери.
