Српската пејачка Гоца Тржан беше во брак со учесникот на реалните шоуа, Иван Маринковиќ, со кој ја доби ќерката Лена.
Тржан речиси една деценија ужива во хармоничен брак со 14 години помладиот актер Радомир Раша Новаковиќ, кој е многу приврзан за нејзината ќерка.
Малата Лена сега проговори за врската со Раша и во таа прилика откри дали го нарекува „тато“.
„Го викам Раки, Раша… Искрено, чудно ми е да го викам тато. Тој не ми е биолошки татко, но немам чувство дека не е, затоа што се однесува како да ми е вистински родител. Заедно живееме 9 години. Никогаш не го нареков очув. Некако грдо ми звучи. Имаме нормални односи и знам дека мама и тој се сакаат и колку и да ме нервираат тоа е нормално. Впрочем, тие ми се родители“, рекла Лена.
Малата Лена изјави дека Раша е премногу строг и дека можеби претерува во некои работи.
„Секој има свои моменти. Во некои работи можеби е престрог, но во повеќето работи е одличен и не ми забранува ништо. Ни мама не е проблем. Тие се сосема коректни. Тренираат некоја строгост, но се сосема во ред со повеќето работи и можеме да се договориме за речиси сè. Тие навистина не ми пречат цело време. Сакам да поминувам време со нив. Ние сме како секое нормално семејство“, изјави таа.
