Популарната пејачка Александра Пријовиќ денеска се породи и на свет ја донесе ќеркичката која со сопругот, Филип Живојиновиќ, ја нарекоа Арија.
Породувањето поминало во најдобар ред во една приватна клиника во Белград, а мајката и бебето се чувствуваат одлично. Радосните моменти не останаа незабележани од нејзините колешки и пријателки.
Прва јавно ѝ честиташе пејачката Милица Тодоровиќ, која со емотивни зборови ѝ се обрати на Прија.
– Со среќа, Прико моја, нека е жива и здрава вашата убавица – напиша Милица на социјалните мрежи.
Инаку, Пријовиќ целата втора бременост ја помина во медиумска „илегала“. Таа ретко се огласуваше, најчесто преку Инстаграм, објавувајќи фотографии на кои можеше да се забележи како изгледа од месец во месец.
