Српскиот пејач Милан Станковиќ пред неколку години се повлече од музичката сцена и тогаш малку се знаеше за неговиот приватен живот во јавноста, а познато е дека поголемиот дел од времето го поминува во манастир.
Пејачот веќе подолго време наоѓа мир во православието, а како што е досега познато, не планира да се замонаши.
Како што е сега познато, тој својот престој во манастирот го искористил за да ги изучи тајните на црковната кујна, а извесно време и самиот им помагал на монасите во трпезаријата.
Во моментов во тек е Велигденскиот пост кој трае 48 дена и е строг за верниците кои се придржуваат до канонот.
Да потсетиме, се шпекулираше дека Станковиќ целосно се посветил на верата и на Бога и минатото лето требало да се замонаши во манастир во Будва, меѓутоа, тоа не се случило.
– Милан навистина престојуваше кај нас, но тој немаше претензии да биде искушеник. Тоа е цел процес. Тој сакаше да биде во манастирот во просторот на светото место, како во духовна бања. Се бараше себеси и своето вистинско јас, но немаше монашки амбиции. Овој манастир е негово духовно место. Тој е во процес на пронаоѓање себеси и наоѓање на Бога, а најдобро место за тоа е манастирот – рекол соговорникот во јули годинава, свештеник на манастирот во Будва.
