Пејачката Марија Микиќ е повторно оперирана поради влошени резултати по претходните две операции. Откако двапати ги оперираше гласните жици во Турција, сега повторно мораше на хируршка интервенција, откако добила лоши вести за текот на опоравувањето.
Марија се огласи од болнички кревет преку Инстаграм, споделувајќи фотографија со кислородна маска на лицето и приклучена на апарати.
– Колку пораки… Ви благодарам, добри мои. Сè помина одлично. Кога ќе оздравам, никогаш нема да се ослободите од мене – напиша таа.
Да потсетиме, Микиќ во април годинава имаше операција на гласните жици во Турција. По два хируршки зафати, отпатувала на завршна контрола, но таму ја дочекале лоши вести – наместо подобрување, резултатите покажале компликации, поради што ѝ била закажана уште една итна интервенција.
– Дојдов на завршна контрола и ме пречека вест што не ја очекував. Животот понекогаш ни носи околности што не сме ги посакале. За жал, мораше да се закаже уште една операција. Сè што ми се случуваше во последно време негативно влијаеше на текот на опоравувањето – изјави Марија.
Поради ненадејната здравствена состојба, пејачката ги откажа сите претходно договорени настапи.
– Сакам да ѝ се извинам на публиката во Бања Лука. Не можеме да се видиме во петок, иако тоа многу го посакував. Ме очекува уште еден тежок период – порача таа.
Марија откри дека уште при првите симптоми, нејзината мајка била таа што забележала дека нешто не е во ред.
– Мајка ми прва забележа дека веќе не сум добра – ниту за себе, ниту за своите деца. Со тек на време, состојбата се влошуваше, сè додека не најдовме решение – токму тука, во Истанбул. Всушност, другите го најдоа за мене. Ми помогнаа, ми подадоа рака, ми дадоа нова надеж – искрено сподели пејачката, која и се заблагодари на колешката Емина Јаховиќ за поддршката и помошта.
