Австралиската манекенка Емили Сирс (35) доживеала вистинска драма кога лекарите ја разбудиле од анестезија во текот на тешката операција на мозокот.
Откако таа лани доживеала напад, на убавата манекенка ѝ откриле абнормална испреплетеност на крвните садови во мозокот. Сирс споделила дека лани ѝ дијагностицирале кавернозна малформација, која претставува група абнормални крвни садови во мозокот, кои предизвикуваат епилептични напади.
Манекенката тогаш по многу анализи добила терапија за да ја држи својата болест под контрола, но откако продолжиле нападите, лекарите ѝ закажале операција. Поради пандемијата на коронавирусот целиот процес бил запрен, па операцијата морала да се одложи, но манекенката конечно била оперирана минатата недела.
Операцијата била тешка и траела дури пет часа, а бидејќи крвните садови се наоѓале покрај центарот за говор, лекарите ја разбудиле Сирс од анестезијата за да зборува додека ѝ ја отстрануваат масата за да бидат сигурни дека нема да го оштетат.
За среќа операцијата завршила успешно, а манекенката сега полека закрепнува во болница. Австралиските медиуми веќе дошле до фотографиите од болницата, на кои манекенката е во завои.
