Иако нивната долготрајна правна битка за старателство над децата не е завршена, Бред Пит и неговата поранешна сопруга Анџелина Џоли постигнаа договор за божиќните празници што како да ги поминат со своите три биолошки деца, ќерката Шајло и дванаесетгодишните близнаци Нокс и Вивиен.
Според магазинот „US Weekly“, времето на Пит со децата за време на празниците ќе биде ограничено.
„Децата ќе можат да го поминат Бадник со него“, посочува изворот на списанието, кој понатаму објаснува како двојката претходно зборувала за празниците да ги помине како семејство, кога на почетокот на годината успеале да најдат „заеднички јазик“. Сепак, оттогаш плановите се променија.
„Бред и Анџелина се подеднакво одговорни за тековната судска драма, а нивните деца станаа колатерална жртва“, додаде изворот.
Глобалната пандемија на коронавирусот ја спречи славната оскаровка оваа година во хуманитарна работа надвор од Соединетите држави, а за да ги однесе своите биолошки и посвоени деца во хуманитарни мисии низ целиот свет, според одлуката на судот, треба да побара одобрение од Бред Пит.
Поранешната холивудска двојка водеше долга битка за старателство над децата, која се одолговлече и траеше до април 2019 година, а сè започна во септември 2016 година, кога Анџелина Џоли поднесе барање за развод од актерот.
Ова лето, Џоли се обиде да отстрани судија – Џон Одеркирк – од бракоразводната парница со Пит, бидејќи тој наводно негувал блиски односи со адвокатите на Пит. Тимот на Пит одговори на обвинувањата на Џоли со судски документи кои докажуваат дека Одеркирк, кој бил тука и при венчавката на двојката во 2014 година, ги информирал сите страни за наводниот судир на интереси.
„Колку подолго го прави ова, толку поголема штета им прави на децата“, изјавил еден познаник на парот за „The Post“ и додаде:
„Ова е игра што таа ја игра. Таа сè уште ги има децата во поголемиот дел од времето го и се обидува да ја одржи таквата состојба што е можно подолго “.
