Бранка Лазиќ, мајката на пејачот Дарко Лазиќ, веќе некое време ужива во емотивна врска со својот партнер Драган Пауновиќ, но во редакцијата на „Информер“ сега се јави законската сопруга на Драган, Слаѓана.
Драган Пауновиќ неодамна сподели снимка од концерт во чест на Шабан Шаулиќ, а истиот видео запис го сподели и мајката на Дарко. Се пишуваше дека Бранка со партнерот ужива на концертот каде што настапувал и нејзиниот син Дарко Лазиќ, но по тоа се огласи законската сопруга на Драган, Слаѓана.
– Бранка преку Драган само бара маркетинг и не биле заедно на концертот посветен на Шабан Шаулиќ, тоа е лага. Драган е на пат. Таа жена треба да се лечи – изјави Слаѓана за Информер, која со Драган има ќерка и тврди дека нивната врска никогаш не завршила за тој да започне нова со Бранка.
Слаѓана испрати фотографија на која ужива на вечера со својот партнер и објасни:
– Драган многу вложи во нив, мислам на Бранка и нејзиниот втор син Драган. Тој им помогна, но на крајот самиот загуби. Летото ќе покаже многу нешта. Бранка не е со него, а за сè друго прашајте го него – рече Слаѓана, која засега не сакаше да открие повеќе детали.
Од друга страна, мајката на Дарко често споделува фотографии на социјалните мрежи каде што е насмеана во друштво на својот партнер, а дека е во среќна врска со мајката на пејачот не крие ниту Драган.
– Ние не соработуваме професионално, не сме деловни партнери. Бранка и јас сме во врска веќе неколку месеци, таа ме поддржува како моја емотивна партнерка, да не кажам девојка, бидејќи тоа е сепак за помладите (се смее). Кога многу патувате и имате многу работа, ви треба некој со кого ќе разговарате и ќе ги споделите сите нешта, а таа е тука за мене – изјави Драган пред неколку месеци.
Која е вистината, знаат само актерите на оваа брестачка сапуница.
