Македонската инфлуенсерка и сопственичка на модниот бренд „Митроф“, Љупка Митрова, гостуваше во емисијата на Стефонатор, каде што одговараше на прашања поврзани со приватниот и професионалниот живот, додека беше врзана на полиграф.
Во разговорот, Митрова откри дека смета оти нејзиниот бренд е најдобриот на домашната модна сцена, а призна и дека во минатото ангажирала вработени од друга модна куќа, откако им понудила подобри услови за работа. Сепак, не сакаше да открие за кој бренд станува збор.
Таа се осврна и на периодот кога останала без возачка дозвола, откривајќи дека тогаш ѝ било одземено и возилото.
„Љубител сум на брзо возење, а со Порше се вози брзо“, рече таа, додавајќи дека била санкционирана затоа што возела 52 километри на час во зона каде што дозволената брзина е 40 километри на час.
Едно од прашањата се однесуваше и на нејзината свадба со сопругот Георги, која се одржа во Грција. На прашањето дали свадбената прослава чинела колку неколку станови во Скопје, Митрова кратко одговори:
„Не знам, не ја плаќав јас.“
Таа призна и дека од денешна перспектива жали што предолго останала во првиот брак, а зборуваше и за односот со сегашниот сопруг.
„Не му знам ни пасвордот“, одговори таа на прашањето дали му го проверува телефонот, додавајќи дека Георги многу ја почитува, ѝ дава мир, поддршка и чувство на сигурност.
Во текот на разговорот откри и дека токму нејзиниот сопруг е задолжен за готвењето во домот, бидејќи таа не се снаоѓа најдобро во кујната.
Таа рече дека Георги најубаво подготвува мусака и гравче, што предизвика смеа во студиото.
„Што се смеете? Јас сум жена што сака традиционална македонска кујна“, рече Митрова.
