Фолк-дивата Лепа Брена отворено проговори за својата средба со прочуената пророчица Баба Ванѓа, откривајќи детали кои и денес предизвикуваат силни реакции во јавноста. Таа раскажа дека за време на посетата била соочена со необични правила и ритуали, а пророштвата што ги слушнала засекогаш ѝ го промениле погледот кон животот.
Брена откри дека во 1989 година, за време на турнеја во Бугарија, имала можност да ја посети Ванѓа, која тогаш била под државна заштита.
„За да дојдеш кај неа, мораше да уплатиш 30 долари на државата и да чекаш ред. Имаше шатори и долги колони луѓе. Кај неа доаѓале и многу светски лидери, па дури и Адолф Хитлер. Искрено, се исплашив. Не сум наклонета кон такви работи, повеќе сакам хороскоп или гледање во кафе, но ова беше нешто сосема поинакво“, раскажа пејачката.
Таа објасни дека според обичајот морала да спие на шеќер, бидејќи тој, наводно, ја впивал енергијата и иднината.
„Не спиев цела ноќ. Постојано внимавав шеќерот да не ми се истури. Кога влегов, таа ми рече: ‘Ти ли си Лепа Брена?’. Ми се отсекоа нозете, жената е слепа. Потоа ми кажа дека уште пред пет години запишала дека ќе дојдам кај неа“, изјави Брена.
Според нејзините зборови, Баба Ванѓа ѝ прорекла долг живот, голем бизнис и многу луѓе кои ќе работат со неа.
„Ми рече дека ќе отворам куќа, зграда, дека ќе пеат многумина со мене. Денес знам дека зборуваше за ‘Гранд’ продукција. Ми кажа и дека ќе се омажам за маж во бела униформа, дека ќе раѓам само машки деца и дека никогаш нема да имам ќерка“, откри пејачката.
Пророчицата ѝ рекла и дека ќе продолжи да работи до длабока старост и дека никогаш нема вистински да се повлече од сцената.
„Ми кажа: ‘Додека си жива, ќе бидеш Лепа Брена. Ќе работиш и нема да правиш пауза’. Подоцна сфатив дека таа навистина ја видела мојата судбина и мојата карма, да ги спојувам луѓето преку песна“, раскажа таа.
Брена откри дека повторно ја посетила Ванѓа на 1 септември, заедно со целиот бенд, уверена дека станува збор за нешто многу посериозно од обично суеверие.
„Таа повторно ми кажа дека мојата мисија е да ги поврзувам луѓето со музика и дека ќе бидам долговечна. Ми го раскажа целиот мој живот“, заклучи Лепа Брена.
