Лепа Брена летово уживаше на јахта од шест милиони евра со братот Фарук и сестрата Факета како друштво.
Таа ја угости екипата не српската емисија „Сцена“, ја покажа внатрешноста на луксузниот сад и откри како изгледаат нејзините денови во кои се одмара и релаксира.
„Ова е нашата оаза на мирот. Со оглед на тоа дека деловниот живот ми е многу активен, многу се сликам и имам многу концерти… Имам голем тим од луѓе околу мене и тимот што го носиме на концерти е до 120 луѓе, многу сме фокусирани за да се направи сето тоа фантастичен мозаик со секоја коцка на место. Потоа кога ќе дојдеме на одмор се грижиме цел ден да бидеме во костими за капење, да не се шминкаме, музиката да е многу тивка, храната да е лесна, ништо да не го уништи тој мир, да се напиеме добро вино во добро друштво. Едноставно, можеш да спиеш и да се бањаш кога сакаш, вели Лепа Брена за телевизија „Блиц“.
Очите ѝ се насолзија додека зборуваше за семејството и детството.
„Иако сето тоа изгледа толку одлично и фантастично, мојот живот е многу турбулентен. Се трудам да не плачам и секогаш се борам со солзите, но кога ќе ме пресече, тогаш ги пуштам… Треба да покажеш емоции, животот ме натера да бидам силна, но мислам и дека имам право да покажам дека сум ранлива. Кога е многу тешко, не плачам, трпам до крај, но кога ќе си дозволам да пуштам солза – нека оди животот“.
