Ријалити-ѕвездата Луна Ѓогани и нејзиниот сопруг Марко Миљковиќ поминаа неколку неизвесни денови на Малдивите, откако поради ескалацијата на конфликтот на Блискиот Исток им беа одложени летовите за враќање во Србија.
Парот на социјалните мрежи редовно ги информираше своите следбеници за ситуацијата во која се нашле, а сега конечно открија дека успеале да најдат решение и да обезбедат лет за дома.
Луна се огласи на Инстаграм, откривајќи дека веќе се на аеродром и дека го чекаат летот кон Србија. На фотографиите може да се види дека се сместени во делот за патници кои патуваат со бизнис-класа.
Инфлуенсерката не ја криеше радоста што конечно ќе се вратат дома, по неколкудневната неизвесност.
Нејзиниот сопруг Марко Миљковиќ претходно откри дека успеале да набават нови авионски билети и им се заблагодари на сите што се грижеле за нив.
„Луѓе, ви благодарам што се грижите, но време е сите малку да оддхнеме. Најдовме решение и за неколку дена ќе се видиме во Белград. Морам да кажам дека мојот брат Немања многу ни помогна и без него тешко дека ќе имавме какво било решение досега“, напиша Миљковиќ на Инстаграм на 4 март.
Во меѓувреме, Луна сподели и неколку фотографии од престојот на Малдивите, каде што со сопругот уживаа во егзотичниот одмор пред да се соочат со неочекуваните проблеми со патувањето.
